ကိုယ့်ကိုကိုယ် သိတယ်ထင်တဲ့သူ အများကြီး ရှိတယ်။
ကိုယ့်ကိုကိုယ် တကယ်သိတဲ့သူ ရှားတယ်။
ဗုဒ္ဓက နှစ်ပေါင်း ၂,၅၀၀ ကျော် အရင်ကတည်းက
ဒါကို ဟောကြားခဲ့ပြီးသားပါ။
“အတ္တာ ဟိ အတ္တနော နာထော”
ကိုယ့်ကိုကိုယ်သာ ကိုယ့်ရဲ့ ကိုးကွယ်ရာ။
ဒါပေမယ့် ကိုယ့်ကိုကိုယ် မသိဘဲ
ကိုယ့်ကိုကိုယ် ဘယ်လို ကိုးကွယ်မလဲ။
Self-awareness (ကိုယ့်ကိုကိုယ် သိခြင်း) ဆိုတာ
ဒီခေတ် စိတ်ပညာက ရှာတွေ့တာ မဟုတ်ပါဘူး။
ဗုဒ္ဓက အစကတည်းက သင်ပေးခဲ့တာပါ။
သတိပဋ္ဌာန် ၄ ပါး ဆိုတာ
Self-awareness ရဲ့ complete framework ပါ။
ပထမ — ကာယာနုပဿနာ။
ကိုယ်ခန္ဓာကို သိတာ။
ကိုယ့် ရင်ဘတ် ကျပ်နေတယ်ဆိုတာ သိလား။
ကိုယ့် လက်ဆုပ်ထားမိတာ သိလား။
ကိုယ့် အသက်ရှူ တိုနေတယ်ဆိုတာ သိလား။
ဒေါသထွက်ခင် — ခန္ဓာကိုယ်က အရင် ပြောတယ်။
ဒါ သတိထားမိရင် — ဒေါသ မထွက်ခင် ဖမ်းမိပါတယ်။
Boss နဲ့ ပြောနေချိန် ရင်ဘတ် ကျပ်လာတယ်။
ဒါ ဒေါသ မဟုတ်သေးဘူး။ ကြောက်ရွံ့မှု ဖြစ်နိုင်တယ်။
ခန္ဓာကိုယ်က ပြောနေတာ ကိုယ် မကြားတာ ကြာပြီ။
ဒုတိယ — ဝေဒနာနုပဿနာ။
ခံစားချက်ကို သိတာ။
ဒီအခိုက် ကိုယ် ဘာ ခံစားနေသလဲ သိလား။
ချမ်းသာ ဝေဒနာလား။ ဒုက္ခ ဝေဒနာလား။
ဒါမှမဟုတ် ဘာမှ မဟုတ်တဲ့ ဥပေက္ခာ ဝေဒနာလား။
လူအများစု ကိုယ့် ခံစားချက်ကို မသိပါဘူး။
စိတ်ဆိုးနေတယ်ဆိုတာ မသိဘဲ
စိတ်ဆိုးနေချိန် ဆုံးဖြတ်ချက် ချမိတယ်။
ပြီးမှ နောင်တ ရတယ်။
ဝေဒနာကို သိရင် — ခံစားချက် ကိုယ့်ကို အုပ်ချုပ်တာ ရပ်ပါတယ်။
ကိုယ်က ခံစားချက်ကို အုပ်ချုပ်ပါတယ်။
တတိယ — စိတ္တာနုပဿနာ။
စိတ်ကို သိတာ။
ကိုယ့် စိတ်ထဲ ဒီအခိုက် ဘာ ဖြစ်နေသလဲ။
လောဘ ဝင်နေသလား။ ဒေါသ ဝင်နေသလား။
မောဟ ဝင်နေသလား။
Client ရဲ့ ကမ်းလှမ်းချက် ကြားတဲ့ အခိုက်
လောဘ ဝင်လာတယ်ဆိုတာ သိရင်
ဆုံးဖြတ်ချက် ကို ခဏ ထားပြီး
လောဘ သွားပြီးမှ ဆုံးဖြတ်လို့ ရပါတယ်။
ဒေါသနဲ့ ဆုံးဖြတ်ရင် နောင်တ ရတယ်။
လောဘနဲ့ ဆုံးဖြတ်ရင် ဆုံးရှုံးတယ်။
မောဟနဲ့ ဆုံးဖြတ်ရင် လွဲတယ်။
စိတ်ကို သိမှ — မှန်ကန်တဲ့ ဆုံးဖြတ်ချက် ချနိုင်ပါတယ်။
စတုတ်ထ — ဓမ်မာနုပဿနာ။
တရားသဘော ကို သိတာ။
ဒီ ခံစားချက် အမြဲ ဖြစ်နေမှာ မဟုတ်ဘူးဆိုတာ သိတာ။
ဒီ အခြေအနေ အမြဲ ဒီလို ဖြစ်နေမှာ မဟုတ်ဘူးဆိုတာ သိတာ။
အနိစ္စ — ဘာမှ မတည်မြဲဘူး။
ဒီနေ့ ဆုံးရှုံးမှု ခံရတယ်။ နာကျင်တယ်။
ဒါပေမယ့် ဒါ အမြဲ ဒီလို ဖြစ်နေမှာ မဟုတ်ပါဘူး။
ဒါ သိတဲ့သူ — ခက်ခဲချိန်မှာ မပြိုကျပါဘူး။
ဒါ သိတဲ့သူ — အောင်မြင်ချိန်မှာ မမိုက်ရူးပါဘူး။
ဗုဒ္ဓရဲ့ သတိပဋ္ဌာန် ၄ ပါးက
ဒီခေတ် self-awareness framework ထက်
ပိုပြည့်စုံပါတယ်။
ခန္ဓာကိုယ်ကို သိ — ဖိစီးမှုကို ခံစားချက် မဖြစ်ခင် ဖမ်းမိတယ်။
ခံစားချက်ကို သိ — ဆုံးဖြတ်ချက် မချခင် ရပ်နိုင်တယ်။
စိတ်ကို သိ — လောဘ ဒေါသ မောဟ ဝင်လာတာ မြင်တယ်။
တရားသဘောကို သိ — ဘာမှ မတည်မြဲဘူးဆိုတာ လက်ခံနိုင်တယ်။
ဒီ ၄ ခု တတ်တဲ့သူ
လုပ်ငန်းခွင်မှာ ဖြစ်ဖြစ်
ဘဝမှာ ဖြစ်ဖြစ်
ဘယ်အခြေအနေမှာမဆို တည်ငြိမ်ပါတယ်။
Self-awareness ဆိုတာ
ခေတ်သစ် စိတ်ပညာ မဟုတ်ပါဘူး။
ဗုဒ္ဓ သင်ပေးခဲ့တဲ့ ရှေးအကျဆုံး
ပြီးပြည့်စုံဆုံး လမ်းကြောင်းပါ။
Phyo Paing @ Derek